აქტივობის განსახორციელებლად წარმოდგენილია წყარო, რომელიც შეიძლება ჩაითვალოს თანამედროვეობის ერთ-ერთ საუკეთესო საჯარო გამოსვლად. შიმონ პერესი მიმართავს კიეველებს, და არა მარტო მათ, იმის შესახებ თუ როგორ გახდა  ისრაელი მოწინავე და აყვავებული სახელმწიფო. განსაკუთრებით ხაზგასასმელია ის მოსაზრება, რომ ყველა ერს შეუძლია იმის მიღწევა, რასაც ებრაელებმა მიაღწიეს, თუმცა ამისთვის საჭიროა თავდადებული შრომა.  „შიმონ პერესის სიტყვას“ თან ერთვის სტრატეგია, რომელიც დაეხმარება მოსწავლეებს წყაროს უკეთ გაანალიზებაში. პედაგოგებს შეუძლიათ ეს სტრატეგია არა მარტო ამ კონკრეტული სავარჯიშოს, არამედ სხვა წყაროების ანალიზისას გამოიყენონ. ამისთვის საჭიროა, დაკვირვებით გაეცნონ სტრატეგიის ინსტრუქციას, რომელშიც რამდენიმე ვარიანტია განხილული. ამ ვარიატებიდან შესაძლებელია პედაგოგებმა მათთვის ყველაზე მისაღები ამოირჩიონ ან სხვადასხვა შემთხვევაში განსხვავებული ვარიანტები გამოიყენონ. 

წინამდებარე აქტივობა განკუთვნილია IX და XII კლასის მოსწავლეებისთვის; თუმცა, ამ სტრატეგიის გამოყენება შეიძლება სხვა კლასებშიც და არა მარტო ისტორიის, არამედ ქართულის, სამოქალაქოს განათლებისა და გეოგრაფიის გაკვეთილებზეც.