ვიდეო რესურსების კატეგორიაში კი წარმოდგენილია კომიქსების შესახებ მინი დოკუმენტური ფილმი. ფილმში მოთხრობილია კომიქსების წარმოშობისა და განვითარების ეტაპები, რომელთა განუყოფელი ნაწილიც ტექნიკური პროგრესია. ვიდეოში, ასევე, დეტალურად არის განხილული ისტორიული კონტექსტის გათვალისწინებით კომიქსის ჟანრების ჩამოყალიბება. მოსწავლეებისთვის განსაკუთრებულად  საინტერესო იქნება, როგორც მათი საყვარელი პერსონაჟების თავდაპირველი ვარიანტების ხილვა, ასევე პირველი კომიქსების შემქმნელების გაცნობა.

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს ფილმის ჩვენება შეუძლია მაშინ, როდესაც პრაქტიკული სამუშაო კომიქსის შექმნას შეეხება. ფილმის ნახვის შემდეგ კი მოსწავლეებისთვის ცხადი გახდება კომიქსის, როგორც პოპ კულტურის შემადგენელი ნაწილის, მნიშვნელობა.