ეს სავარჯიშო ემსახურება, მოსწავლეთა მიერ სხვადასხვა ეპოქასა და გეოგრაფიულ გარემოში არსებული იმპერიების დაცემის მიზეზების მოდელის შექმნას და ზოგადად ამ დიდი სახელმწიფოების ფუნქციონირების გაგებას.

წინამდებარე აქტივობა ეხება იმპერიების დაცემის მიზეზების ანალიზსა და შეფასებას. წინამდებარე რესურსში მოცემულია აქტივობის სამი ვარიანტი:

1. როდესაც მოსწავლეები აანალიზებენ რომის იმპერიის დაცემის მიზეზებს;
2. როდესაც მოსწავლეები რომის იმპერიის დაცემის მიზეზების გათვალისწინებით ქმნიან სხვა იმპერიების დაცემის მიზეზებს;
3. როდესაც მოსწავლეები ერთმანეთს ადარებენ ორი ან მეტი იმპერიის დაცემის მიზეზებს.

როგორც პრეზენტაციისას, ასევე თემების განხილვის დროს მასწავლებელმა ხელი უნდა შეუწყოს დისკუსიის წარმოებასა და მოსწავლეთა მიერ საკუთარი აზრის გამოთქმას. აქტივობა შეიძლება იყოს როგორც ინდივიდუალური ასევე ჯგუფური ხასიათის.

აქტივობა განკუთვნილია VII – XII კლასის მოსწავლეებისთვის.