“ხატვის გაკვეთილები ჟოზესთან ერთად” ტელესკოლის პროექტია, რომელიც დაწყებითი საფეხურისთვისაა განკუთვნილი. ვიდეოებში ნაჩვენებია სახალისო პრაქტიკული რჩევები, თუ როგორ შეიძლება საგნის, ხილის, მცენარის, ცხოველის, ფრინველის ან მწერის გრაფიკული გამოსახვა ანბანის გამოყენებით.

მოცემულ ვიდეოში ნაჩვენებია ასო ჩინის დახმარებით, როგორ არის შესაძლებელი ჩოჩრის დახატვა.

რესურსის პრაქტიკული დანიშნულება: რესურსი განკუთვნილია დაწყებითი საფეხურის, I-II კლასების, მოსწავლეებისთვის. ვიდეო ბავშვებს პრაქტიკული დავალებების შესრულების დროს დაეხმარება. დავალების შესასრულებლად მოსწავლეებს დასჭირდებათ უბრალო შავი ფანქარი, ფლომასტერები ან ფერადი ფანქრები. ვიდეოს ბოლოს კი მოსწავლეებს შეეძლებათ ჟოზესთან ერთად ამოხსნან სახალისო ამოცანები მინდორში მოსეირნე ჩოჩრის შესახებ. რესურსის გამოყენება მათემატიკასთან ინტეგრაციის დროს არის შესაძლებელი.