ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია. 

ამ თემის მიმართ გულგრილი არც საბჭოთა ქართული კინო დარჩა. თუმცა  საბჭოთა ეკრანებზე თაობათა შორის ღირებულებითი დაპირისპირება სრულიად სხვაგვარად წარმოჩნდა, რა დროსაც შვილები არა მამების, არამედ ბაბუების თაობას დაუპირისპირდნენ. ქართულ კინოში მნიშვნელოვანი ცვლილება კი თენგიზ აბულაძის “მონანიებას” უკავშირდება. რესპონდენტი აღნიშნავს,  რომ “მონანიება” ბაბუების თაობას ჩადენილი დანაშაულებისთვის, ხოლო მამებს დუმილისთვის აკრიტიკებდა.