ვიდეორესურსი იხილეთ მოცემულ ბმულზე

კინოკლუბი ტელესკოლის პროექტია, რომლის მიზანი ახალგაზრდების კინემატოგრაფით დაინტერესებაა. გადაცემაში მოწვეული რეჟისორები, მსახიობები და კინომცოდნეები ახალგაზრდებისგან შემდგარ აუდიტორიას კითხვებზე პასუხობენ და კინოსთან დაკავშირებულ სხვადასხვა საკითხზე ესაუბრებიან. გადაცემების სრულად ნახვა შეგიძლიათ აქ: https://1tv.ge/show/kino-klubi/

ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია.

სიუჟეტი მოკუმენტური კინოს შესახებ არის. მოკუმენტური ჟანრი ფილმის ან სატელევიზიო შოუს სახეობაა, რომელიც დოკუმენტური კინოს ესთეტიკითაა გადაღებული. ამ ჟანრში ძირითადად სატირული ან კომედიური ფილმები გვხდება. რესპონდენტი, კინომიმოხილვები ნიკა ესებუა ინტერვიუს დროს ყურადღებას ამახვილებს მოკუმენტური ჟანრის გამომსახველობით თავისებურებებზე, რომელიც მაყურებლისთვის ყოველთვის ერთნაირად მისაღები არ არის. რესპონდენტი ასევე საუბრობს მოკუმენტური ჟანრის საკულტო ფილმებსა და სატელევიზიო შოუებზე.

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება შეუძლია მაშინ, როდესაც გაკვეთილის თემა კინოსთან ერთად სატელევიზიო ინდუსტრიას შეეხება. მნიშვნელოვანია, რომ გაკვეთილის მსვლელობისას მოსწავლეების მხრიდან მთავარი აქცენტი გადაღების ხერხებსა და მათ მნიშვნელობაზე გაკეთდეს.