მასწავლებელთა პროფესიული განვითარების ეროვნული ცენტრის მიერ  2022 წლის  15 დეკემბერს, 17:00 საათზე ჩატარდა  ვებინარი მუსიკის მასწავლებლებისთვის, ვებინარზე განხილული იქნება პროექტი - „ქართველი ქალი კომპოზიტორები“.

პროექტი „ქართველი ქალი კომპოზიტორები“ მიმდინარე წელს განხორციელდა კულტურის, სპორტისა და ახალგაზრდობის სამინისტროს მხარდაჭერით. სამუშაო ჯგუფის მიერ გაწეული დიდი კვლევითი, საძიებო და შემოქმედებითი სამუშაოს შედეგად შეიქმნა ვებ-გვერდი, რომელზეც 10 ქართველი კომპოზიტორი ქალის შემოქმედებისა და ცხოვრების ამსახველი ინფორმაციაა განთავსებული, წერილობითი, სანოტო, ფოტო, აუდიო, ვიდეო ფაილების სახით. მათ შორის ბევრი აღმოჩენაა, როგორიცაა, მაგალითად, ბარბარე ამირეჯიბი - პირველი კომპოზიტორი ქალი, მოსკოვის კონსერვატორიის კურსდამთავრებული (1873), გამოჩენილი პიანისტი და ქართველთა შორის წერა-კითხვის გამავრცელებელი საზოგადოების წევრი.

ვებინარს უძღვებოდნენ:

• მასწავლებელთა პროფესიული განვითარების ეროვნული ცენტრის მუსიკის ექსპერტ-კონსულტანტი - რუსუდან თაყაიშვილი.

• ვებინარის სტუმრები - პროექტის „ქართველი ქალი კომპოზიტორები“ სამუშაო ჯგუფის წევრები:

• ლელა მაქარაშვილი (ავტორი), მარიკა ჩიჯავაძე, თამარ წულუკიძე, მერი შეყილაძე.