2022 წელს  12 ოქტომბერს, 16:00 საათზე მასწავლებელთა პროფესიული განვითარების ეროვნული ცენტრის მიერ ჩატარდა  ვებინარი, რომლის მიზანია საგანმანათლებლო რესურსის – „ისტორია-კინო-ისტორია“ შესახებ საზოგადოების ინფორმირება, რათა სკოლებმა შეძლონ პროექტში აქტიურად ჩართვა და შემდეგ უკვე პედაგოგებმა ამ რესურსის დამოუკიდებლად გამოიყენება სასწავლო პროცესში.

საქართველოს კინემატოგრაფიის ეროვნული ცენტრის პროექტის – „კინო სკოლაში“ ფარგლებში შემოდგომის სეზონზე, ფილმების ჩვენება-დისკუსიასთან ერთად, კინოსპეციალისტები აქტიურად გამოიყენებენ ონლაინ საგანმანათლებლო რესურსს „ისტორია-კინო-ისტორია (History-Film-History http://historyfilmhistory.com/)“, რომელიც ევროპის 4 ქვეყნისთვის, მათ შორის საქართველოსთვის, არის ხელმისაწვდომი.

აღნიშნული საგანმანათლებლო რესურსი 13 – 19 წლის მოზარდებისთვის არის განკუთვნილი და ის მოიცავს ვიზუალურ და საარქივო მასალას, ვიდეო გაკვეთილებს, სავარჯიშოებსა და ტესტს, რაც მოზარდებს მე-20 საუკუნის ეპოქის აღქმასთან ერთად იმ პერიოდის ხელოვნების ისტორიასაც აცნობს.

ვებინარს გაუძღვა:

მასწავლებელთა პროფესიული განვითარების ეროვნული ცენტრის ისტორიის ექსპერტ-კონსულტანტი – ლევან ახვლედიანი

კინოცენტრის კინოგანათლების პროექტების მენეჯერი – თეა გაბიძაშვილი

პროექტის „კინო სკოლაში“ კინოსპეციალისტი – თამთა ქაჯაია

კინოცენტრის დირექტორის პირველი მოადგილე – მაია ჭილაშვილი