ვედეორესურსი იხილეთ მოცემულ ბმულზე 

კინოკლუბი ტელესკოლის პროექტია, რომლის მიზანი ახალგაზრდების კინემატოგრაფით დაინტერესებაა. გადაცემაში მოწვეული რეჟისორები, მსახიობები და კინომცოდნეები ახალგაზრდებისგან შემდგარ აუდიტორიას კითხვებზე პასუხობენ და კინოსთან დაკავშირებულ სხვადასხვა საკითხზე ესაუბრებიან. გადაცემების სრულად ნახვა შეგიძლიათ აქ: https://1tv.ge/show/kino-klubi/

ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია.

სიუჟეტი კინოში სოციალური სატირას ეძღვნება. სატირა არის მხატვრული ხერხი, რომელიც რეალობის უარყოფით მხარეს ირონიით აკრიტიკებს. რესპონდენტი კინომცოდნე, გიორგი რაზმაძე ჩარლი ჩაპლინზე საუბრობს, როგორც ყველაზე დიდ სატირიკოსზე. ის ასევე ყურადღებას ამახვილებს ავტორიტარულ სახელმწიფოებში კინემატოგრაფის იდეოლოგიურ ფუნქციაზე. ასეთ პოლიტიკურ ვითარებაში სატირა რეჟისორებისთვის თითქმის ერთადერთი გამოხატვის ფორმა და გამოსავალი იყო. ინტერვიუს დროს რესპონდენტი მიმოიხილავს ისტორიულ კონტექსტს და საუბრისას გამოყოფს ელდარ შენგელაიას მხატვრულ ფილმს - “ცისფერი მთები ანუ დაუჯერებელი ამბავი”.

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება შეუძლია მაშინ, როდესაც გაკვეთილის თემა ცენზურასა და ფილმში ალეგორიული ხერხით სათქმელის გადმოცემას შეეხება. სიუჟეტის გამოყენება შესაძლებელია საგანთაშორისი ინტეგრაციის დროს. ისტორიასთან ინტეგრირებული გაკვეთილის ჩატარებისას მნიშვნელოვანია, რომ გაკვეთილის მთავარი აქცენტი საბჭოთა წარსულსა და კინოხელოვნების ცენზურის მიმართ დამოკიდებულებაზე გაკეთდეს.