ვიდეო რესურსი იხილეთ მოცემულ ბმულზე

კინოკლუბი ტელესკოლის პროექტია, რომლის მიზანი ახალგაზრდების კინემატოგრაფით დაინტერესებაა. გადაცემაში მოწვეული რეჟისორები, მსახიობები და კინომცოდნეები ახალგაზრდებისგან შემდგარ აუდიტორიას კითხვებზე პასუხობენ და კინოსთან დაკავშირებულ სხვადასხვა საკითხზე ესაუბრებიან. გადაცემების სრულად ნახვა შეგიძლიათ აქ: https://1tv.ge/show/kino-klubi/

ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია.

სიუჟეტი მაყურებელს კინოში არაპროფესიონალი მსახიობების გადაღების შესახებ მოუთხრობს. კინომცოდნე, ლევან აბდუშელიშვილი საუბრობს ისტორიულ კონტექსტზე, რომელმაც რეჟისორებს არაპროფესიონალი მსახიობების გადაღებისკენ უბიძგა. ინტერვიუს დროს რესპონდენტი მიმოიხილავს ფილმებს, რომელთა მხატვრული რანგიც მნიშვნელოვნად განაპირობა არაპროფესიონალი მსახიობების მიერ შექმნილმა პერსონაჟებმა.

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება შეუძლია მაშინ, როდესაც გაკვეთილის თემა ფილმში არაპროფესიონალი მსახიობების თამაშსა და მათ მიერ შექმნილ დაუვიწყარ კინოგმირებს შეეხება.