ვიდეო რესურსი იხილეთ მოცემულ ბმულზე

კინოკლუბი ტელესკოლის პროექტია, რომლის მიზანი ახალგაზრდების კინემატოგრაფით დაინტერესებაა. გადაცემაში მოწვეული რეჟისორები, მსახიობები და კინომცოდნეები ახალგაზრდებისგან შემდგარ აუდიტორიას კითხვებზე პასუხობენ და კინოსთან დაკავშირებულ სხვადასხვა საკითხზე ესაუბრებიან. გადაცემების სრულად ნახვა შეგიძლიათ აქ: https://1tv.ge/show/kino-klubi/

ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია.

სიუჟეტი კინოში მუსიკის მნიშვნელობას ეძღვნება. კინემატოგრაფის დაბადებიდან დღემდე მხატვრული ღირებულების შეუცვლელი ელემენტი ფილმის მუსიკალური გაფორმებაა. რესპონდენტი, დირიჟორი და კომპოზიტორი, ნიკოლოზ რაჭველი მუსიკისა და გამოსახულების თანხვედრაზე ამახვილებს ყურადღებას. ინტერვიუს დროს, ნიკოლოზ რაჭველი ქართული კინომუსიკის მნიშვნელობაზეც საუბრობს.

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება შეუძლია მაშინ, როდესაც გაკვეთილის თემა კინოსა და მუსიკის სინთეზს შეეხება. კინომუსიკის შესახებ, ასევე, შესაძლებელია საგანთაშორისი ინტეგრაცია. მუსიკის საგანთან ინტეგრაციისას მნიშვნელოვანია, რომ მთავარი აქცენტი კინოში მუსიკის როლზე გაკეთდეს.