ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია. 

სიუჟეტი კინოს ერთ-ერთი ჟანრს, მიუზიკლს, შეეხება.  კინემატოგრაფის ისტორიაში არ არსებობს მიუზიკლები, რომლებმაც სცენოგრაფიის, მუსიკისა თუ ქორეოგრაფიის გამო მაყურებლის განსაკუთრებული სიყვარული დაიმსახურა. ასეთი მიუზიკლების რიგს “ვერის უბნის მელოდიებიც” მიეკუთვნება. რეჟისორმა გიორგი შენგელაიამ კომპოზიტორი გიორგი ცაბაძე ფილმისთვის მუსიკის შესაქმნელად მოიწვია. სიუჟეტში კომპოზიტორის შვილი, კახა ცაბაძე, ფილმზე მუშაობის პროცესს იხსენებს.  

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება  შეუძლია მაშინ, როდესაც გაკვეთილის თემა კინემატოგრაფის ჟანრებს შეეხება.  მიუზიკლის შესახებ, ასევე, შესაძლებელია საგანთაშორისი ინტეგრაცია. მუსიკის საგანთან ინტეგრაციისას მნიშვნელოვანია, რომ მთავარი აქცენტი გამოსახულებისა და ხმოვანი რიგის მთლიანობაზე გაკეთდეს.