ვიდეო რესურსი იხილეთ მოცემულ ბმულზე

კინოკლუბი ტელესკოლის პროექტია, რომლის მიზანი ახალგაზრდების კინემატოგრაფით დაინტერესებაა. გადაცემაში მოწვეული რეჟისორები, მსახიობები და კინომცოდნეები ახალგაზრდებისგან შემდგარ აუდიტორიას კითხვებზე პასუხობენ და კინოსთან დაკავშირებულ სხვადასხვა საკითხზე ესაუბრებიან. გადაცემების სრულად ნახვა შეგიძლიათ აქ: https://1tv.ge/show/kino-klubi/ 

ვიდეო რესურსების კატეგორიაში კი წარმოდგენილია გადაცემებში ნაჩვენები სიუჟეტები, რომლებიც კინოს სხვადასხვა ჟანრსა და თემას შეეხება. სიუჟეტები საბაზო საფეხურისთვისაა განკუთვნილი. მასწავლებელს მათი გამოყენება გაკვეთილის მიზნიდან გამომდინარე შეუძლია. 

სიუჟეტი კინოს ერთ-ერთი ჟანრს, სამეცნიერო ფანტასტიკის ჩასახვასა და განვითარებას შეეხება. სამეცნიერო ფანტასტიკა კინემატოგრაფის ყველაზე ადრეული ჟანრია, რომლის ისტორია ჟორჟ მელიესის ფილმით “მოგზაურობა მთვარეზე” იწყება. სიუჟეტში კინოჟურნალისტი ოთო ჯანგავაძე “ფენტეზის” მნიშვნელობაზე საუბრობს და ათწლეულების მიხედვით ჟანრის განვითარებას მიმოიხილავს.  ინტერვიუს დროს რესპოდენტი სამეცნიერო ფანტასტიკის ჟანრის ქართულ ფილმებზეც ამახვილებს ყურადღებას.  

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს სიუჟეტის ჩვენება  შეუძლია მაშინ, როდესაც გაკვეთილის თემა კინემატოგრაფის ჟანრებს შეეხება.  “ფენტეზის”  შესახებ, ასევე, შესაძლებელია საგანთაშორისი ინტეგრაცია. ინტეგრირებული გაკვეთილის თემა შესაძლებელია იყოს სამეცნიერო ფანტასტიკის ჟანრის ლიტერატურული ნაწარმოების ეკრანიზაცია.