საბუნებისმეტყველო მეცნიერებების სწავლების თავისებურებებიდან გამომდინარე, უმთავრესია, მოსწავლეს ინტერესი გაუჩნდეს ბუნების კვლევის, ახალი აღმოჩენებისა და შესწავლის მიმართ. მათ უნდა დაინახონ, რომ მრავალფეროვნების მიუხედავად, სიცოცხლე და  სამყარო ერთიანია. ყველა სასიცოცხლო პროცესი ქიმიურ და ფიზიკურ მოვლენებზეა დაფუძნებული. ქიმია, ფიზიკა და ბიოლოგია ისეა ნებისმიერ საკითხში ერთმანეთში გადაჯაჭვული, რომ მოსწავლე თითქოს ვერც კი ამჩნევს, რომ ამ სამ ურთულეს დისციპლინას ერთიანად ეუფლება. ელექტრონული წიგნის 39 თავში განაწილებულია ფიზიკური გეოგრაფიის, ქიმიის, ბიოლოგიისა და ფიზიკის საკითხები. გაკვეთილები დაჯგუფებულია თემებად, თუმცა არ იკვეთება საგანთაშორისი ზღვარი, რომელიც ფაქტობრივად არც არსებობს. წიგნი განკუთვნილია ინტეგრირებული სწავლებისთვის. მოსწავლეებს საკითხის მთლიანობაში აღქმაში, მასწავლებლებსა და მასწავლებლობის მსურველებს - ინტეგრირებული გაკვეთილების და აქტივობების დაგეგმვაში  დაეხმარება.

წიგნის სანახავად გადადით ბმულზე