საკითხავი მასალა
ქიმიის ელექტრონული წიგნი (FlexBook - ე.წ. მოქნილი წიგნი) წიგნის სანახავად გადადით ბმულზე
განკუთვნილია
მოსწავლეებისთვის, მასწავლებლებისთვის, სტუდენტებისთვის და უბრალოდ, საკითხით დაინტერესებული
ადამიანებისთვის. საბუნებისმეტყველო საგნების სწავლების სპეციფიკიდან გამომდინარე,
უმნიშვნელოვანესია მოსწავლის ინტერესის აღძვრა. შესაბამისად, ყველა გაკვეთილი საინტერესო
და ცხოვრებასთან დაკავშირებული სამოტივაციო შეკითხვით იწყება. შეკითხვას ახლავს საინტერესო
ილუსტრაცია. ქიმიის წიგნი 22 თავისგან შედგება.
ის შეესაბამება მესამე თაობის ეროვნული სასწავლო გეგმით გათვალისწინებულ სტანდარტს.
ასევე წარმოდგენილია დამატებითი საკითხავი მასალა. წიგნის შინაარსი ფარავს ქიმიის საგნის
სწავლებაში სამივე მიმართულებას: ცოცხალი სამყარო, მეცნიერული კვლევა-ძიება და მეცნიერება
და ტექნოლოგია. წიგნში დიდი ადგილი ეთმობა საგანთაშორის ინტეგრაციას, რაც მოსწავლეს
ეხმარება როგორც საგანთაშორის, ასევე შიდასაგნობრივი ტრანსფერული უნარების გაუმჯობესებაში.
თავში - ,,გარემოს ქიმია“ - განხილული საკითხები მნიშვნელოვანია გარემოს დაცვისა და
მდგრადი განვითარების მნიშვნელობის მიმართ დამოკიდებულების ჩამოყალიბებისთვის, გაკვეთილებში
წარმოდგენილი გრაფიკები და დიაგრამები მათემატიკური წიგნიერების განვითარებას უწყობს
ხელს. მცირე ვიდეოები ისეთ ქიმიურ ექსპერიმენტებსაც წარმოადგენს, რომლის განხორციელება
სასკოლო სივრცეში შეუძლებელია. ეს წიგნი მასწავლებლებისთვის კომპლექსური დავალებების
პირობის შესადგენად საუკეთესო საშუალებაა. გაკვეთილების ბოლოს წარმოდგენილი მრავალფეროვანი
დავალებები კი დიფერენცირებისთვის კარგი მასალაა.
