საკითხავი მასალა
ბიოლოგიის ელექტრონული წიგნი (FlexBook-ე.წ. მოქნილი წიგნი) წიგნის სანახავად გადადით ბმულზე
განკუთვნილია
მოსწავლეებისთვის, მასწავლებლებისთვის, სტუდენტებისთვის და უბრალოდ საკითხით დაინტერესებული
ადამიანებისთვის. საბუნებისმეტყველო საგნების სწავლების სპეციფიკიდან გამომდინარე,
უმნიშვნელოვანესია მოსწავლის ინტერესის აღძვრა. შესაბამისად, ყველა გაკვეთილი საინტერესო
და ცხოვრებასთან დაკავშირებული სამოტივაციო შეკითხვით იწყება. შეკითხვას ახლავს საინტერესო
ილუსტრაცია. ბიოლოგიის წიგნი 20 თავისგან შედგება.
ის შეესაბამება მესამე თაობის ეროვნული სასწავლო გეგმით გათვალისწინებულ სტანდარტს.
ასევე წარმოდგენილია დამატებითი საკითხავი მასალა. წიგნის შინაარსი ფარავს ბიოლოგიის
საგნის სწავლებაში სამივე მიმართულებას: ცოცხალი სამყარო, მეცნიერული კვლევა-ძიება
და მეცნიერება და ტექნოლოგია. წიგნში დიდი ადგილი ეთმობა საგანთაშორის ინტეგრაციას,
რაც მოსწავლეს ეხმარება როგორც საგანთაშორის, ასევე შიდასაგნობრივი ტრანსფერული უნარების
გაუმჯობესებაში. ადამიანის ორგანოთა სისტემების განხილვისას ყურადღება გამახვილებულია
ცხოვრების ჯანსაღი წესის მნიშვნელობაზე. ეკოლოგიის თავში განხილული საკითხები კი მნიშვნელოვანია
გარემოს დაცვისა და მდგრადი განვითარების მნიშვნელობის მიმართ დამოკიდებულების ჩამოყალიბებისთვის.
