ისტორიული წყაროს ანალიზის შაბლონის უპირატესობა იმაში მდგომარეობს, რომ ის შეიძლება გამოვიყენოთ სხვადასხვა ტიპის დოკუმენტის განხილვისას. ასევე, მასწავლებელს შეუძლია დაუმატოს, მოაკლოს ან შეცვალოს შაბლონში წარმოდგენილი შეკითხვები და ისინი კონკრეტულ ისტორიულ წყაროს მოარგოს. პასუხების გაცემისას, მოსწავლეებმა შეიძლება სხვადასხვა მოსაზრება წარმოადგინონ, რაც არ იქნება შეცდომა. მთავარია, მათი პასუხები იყოს ლოგიკური და ეხმიანებოდეს განსახილველ ისტორიულ დოკუმენტს.

წინამდებარე აქტივობა ეხება კონკრეტული ისტორიული დოკუმენტის ანალიზს, კერძოდ, წყაროს ანალიზის შაბლონის მიხედვით დოკუმენტის განხილვას. მკითხველისთვის წარმოდგენილია ამონარიდი მარტინ ლუთერის „95 თეზისიდან“.  (ავტორის ვინაობა მოსწავლეთათვის მიწოდებულ წყაროს ვერსიაში არ არის მითითებული).

ამგვარი შაბლონი მოსწავლეებში ავითარებს აბსტრაქტულ და კრიტიკულ აზროვნებას.

წინამდებარე აქტივობა განკუთვნილია XI კლასის მოსწავლეებისთვის.