საკითხავი მასალა
ყველა საერთაშორისო თუ ეროვნულ დონეზე მიღებული კანონით, არასრულწლოვანთა,
და არამხოლოდ, პერსონალური ინფორმაციის დაცვა გადამწყვეტია კონფიდენციალურობისა და
უსაფრთხოების შესანარჩუნებლად. რაც უფრო მატულობს რისკები, მით უფრო განახლებადი და
მზარდია იმ რეკომენდაციების რიცხვი, რომლებიც უზრუნველყოფს პერსონალური ინფორმაციის
ეფექტურად დაცვას.
ამ მხრივ, პირველი რეკომენდაცია შეეხება მონაცემთა ბაზის სამართლიანად და კანონიერად დამუშავებას; ეს გულისხმობს, რომ ინფორმაციის დამუშავებისას დაცული უნდა იყოს ყველა რელევანტური სამართლებრივი მოთხოვნა, უნდა არსებობდეს ლეგიტიმური მიზანი, მონაცემთა დამუშავება უნდა მოხდეს კანონიერად და არასრულწლოვნის შესახებ პერსონალური ინფორმაცია გამოყენებული უნდა იყოს ბავშვის გონივრული მოლოდინის შესაბამისად.
სასურველია, სასწავლო დაწესებულებამ შეიმუშაოს სკოლის კონფიდენციალურობის პოლიტიკის დოკუმენტი, სადაც დეტალურად იქნება აღწერილი, როგორ ხდება პირადი ინფორმაციის შეგროვება, გამოყენება და დაცვა.
