სსიპ - მასწავლებელთა პროფესიული განვითარების ეროვნულმა ცენტრმა დემოკრატიული კულტურისა და ადამიანის უფლებების სწავლების ხელშეწყობის პროგრამის და ანალიტიკური სამსახურის ფარგლებში 2020 წელს ჩაატარა დემოკრატიული კულტურის კომპეტენციების კვლევა პროფესიული განათლების მასწავლებლებში, რომლის მიზანიც იყო საქართველოს მასშტაბით პროფესიულ სასწავლებლებში დემოკრატიული კულტურის კომპეტენციების მიმართულებით სიტუაციის შეფასება. საკითხის სიღრმისეულად შესასწავლად გამოყენებული იქნა რაოდენობრივი მეთოდი. მონაცემები შეგროვებული იქნა მონიტორინგის სპეციალისტების მიერ. შერჩევაში მონაწილეობდა საქართველოს 11 რეგიონის 20 პროფესიული დაწესებულების 192 რესპონდენტი.