საკითხავი მასალა
ჟურნალის – „ჰუმანიტარული განათლება სკოლაში“ – ახალ ნომერში წერილების დიდი ნაწილი საზღვარგარეთის გამოცდილებას ეხება და ეს არ არის შემთხვევითი. დღეს, როცა საქართველოს განათლების სისტემა ცვლილებების ახალ ეტაპზეა, მნიშვნელოვანია ვიცოდეთ, როგორ უმკლავდებიან გამოწვევებს მსოფლიოს მოწინავე ქვეყნები. მაგალითად, რა ხდება საფრანგეთში პროფესიული განათლებისა და კარიერული დაგეგმვის მიმართულებით, რას აკეთებს გერმანული საგანმანათლებლო სისტემა სკოლისათვის მოსწავლეთა მომზადების, მათი ინდივიდუალური ინტერესების გათვალისწინებისა და პროფესიული უნარების განვითარებისათვის, რა გამოცდილება არსებობს აშშ-ში სწავლის უნივერსალური დიზაინის დანერგვის კუთხით.ჟურნალში გამოქვეყნებული სტატიები სწავლების ისეთ აქტუალურ საკითხებს ეხება, როგორებიცაა: ემოციური ინტელექტის როლი უცხოური ენის გაკვეთილზე, თამაშითსწავლების ინოვაციური მეთოდის ეფექტიანობა სამუსიკო განათლებაში, სახელოვნებო პროექტების პერსპექტივები საქართველოში და სხვა.
ვიმედოვნებთ, ჟურნალის ეს ნომერიც არ დატოვებს გულგრილად მკითხველს.
