საკითხავი მასალა
ჟურნალის ,,ადრეული
განათლება’’ მესამე ნომერში თქვენ წაიკითხავთ მრავალფეროვან ინფორმაციას იმის შესახებ,
თუ რა ნაბიჯები იდგმება საქართველოში ხარისხიანი და ხელმისაწვდომი სკოლამდელი განათლების
უზრუნველსაყოფად; გაეცნობით სტატიებს ადრეული ასაკის ბავშვებისთვის ილუსტრირებული წიგნების
ჯადოსნური ძალისა და რეჯიო ემილიას განათლების ფილოსოფიის შესახებ. ტრადიციულად, ჟურნალი
გაგაცნობთ ადრეული განათლების მხარდამჭერი ორგანიზაციების საქმიანობას. ამჯერად გაგიზიარებთ,
რა ცვლილებები მიმდინარეობს ადრეული განათლების კურიკულუმის – „თამაში“ და სასკოლო
მზაობის პროგრამის მიმართულებით; პროექტის „ინოვაციის, ინკლუზიურობისა და ხარისხის
პროექტი – საქართველო I2Q (WB)“ ფარგლებში და რა პროგრამებს ახორციელებს ჩვენს ქვეყანაში
საერთაშორისო ორგანიზაცია ,,SOS Children’s Villages Inetrnational’’. ამავე ნომერში გაეცნობით საქართველოში არსებულ კარგ
პრაქტიკებს; კერძოდ, რა აქტივობები ტარდება დმანისისა და ონის მუნიციპალიტეტებში იმისთვის,
რომ ადრეული და სკოლამდელი განათლება მეტად ხელმისაწვდომი გახდეს მუნიციპალიტეტში მცხოვრები
ყველა ბავშვისთვის და რა სტრატეგიები გამოიყენა ბათუმის მუნიციპალიტეტში მეთოდისტმა
მშობლების ჩასართავად საბავშვო ბაღის ცხოვრებაში.
