წარმოდგენილი ტექსტი ( დავალებებით) დაეხმარება მოსწავლეს ლექსიკური მარაგის გამდიდრებაში, ნასწავლი მასალის პრაქტიკულ გამოყენებაში, საკომუნიკაციო უნარების განვითარებაში. რესურსის მიზანია მოსწავლემ შეძლოს ზღაპრის მოთხრობის წაკითხვა-გააზრება, ახალი ლექსიკის, ფრაზებისა და მარტივი გრამატიკული კონსტრუქციების გამოყენებით საუბარი და წერა ტექსტზე დაყრდნობით.
თავებად დაყოფილი ზღაპარი შესაბამისი დავალებებით ემსახურება ტექსტის გაგება-გააზრებას, ახალი ლექსიკური ერთეულებისა და ფრაზების გამოყენებას წერისა და ლაპარაკის დროს.
სასწავლო რესურსი წარმოადგენს მხატვრულ ადაპტირებულ ტექსტს, რომელიც 5 ნაწილად არის დაყოფილი. ტექსტი, შესაძლებელია, დამოუკიდებელი კითხვისთვის იყოს გამოყენებული, ან მასწავლებლის შერჩევით გადანაწილდეს თემატურ გეგმაში. თითოეულ თავს ახლავს კითხვები. მოთხრობის თითოეული ნაწილის ბოლოს მოცემულია დავალებები. კერძოდ, ვარაუდის გამოთქმაზე, ტექსტის შინაარსის გაგებაზე, გააზრებაზე და სხვ. მოთხრობის კითხვისას მოსწავლეები იმუშავებენ ოთხივე საკომუნიკაციო უნარის (კითხვა, წერა, მოსმენა, ლაპარაკი) განვითარებაზე.
ტექსტის ბოლოს მოცემულია ინფორმაცია კუპრინის შესახებ და დავალება წერითი უნარების გასავითარებლად. რეკომენდებულია, ამ დავალების შესრულებამდე მოსწავლეებს შევახსენოთ წერილის სტრუქტურა.
