სამიზნე აუდიტორია:  სკოლის ადმინისტრაცია, კლასის დამრიგებლები, სამეურვეო საბჭო, საგნობრივი კათედრები, მოქმედი მასწავლებლები.

არაფორმალური განათლების პოლიტიკის დოკუმენტი დაეხმარება ყველა სკოლას, რომელიც ავტორიზებულია, მაგრამ ეს დოკუმენტი არასრულყოფილი სახით აქვს ან საერთოდ არ გააჩნია; ასევე, მზა რესურსს აწვდის არაავტორიზებულ სკოლებს, რომელთაც სურვილი აქვთ ავტორიზაციის საბჭოს წინაშე სრულყოფილი და სკოლისთვის აუცილებელი დოკუმენტაცია წარდგინონ; პოლიტიკის დოკუმენტი შესაძლებლობას მისცემს სკოლის ადმინისტრაციას იხელმძღვანელოს მზა დოკუმენტით, ან გამოიყენოს მისი ჩარჩო, - შეცვალოს ან დაამატოს საკითხები, გაითვალისწინოს არსებული და შეადგინოს ახალი დოკუმენტი; მონიტორინგის პროცესში, სკოლის ვალდებულებების შესრულებისას არაფორმალური განათლების პოლიტიკის დოკუმენტი მეგზურობას გაუწევს ყველა დაინტერესებულ პირს არაფორმალური განათლების საკვანძო საკითხების შესრულებასა და ხარისხზე. დოკუმენტი გზამკვლევია კლასის დამრიგებლების, საგნობრივი კათედრებისა და მთლიანად სასკოლო საზოგადოებისათვის.

დოკუმენტში მითითებულია მისი მიზანი, პოლიტიკისა და რეგულაციების დაცვისა და გავრცელების არეალი, დოკუმენტის შესრულებაზე პასუხისმგებელი პირები, არაფორმალური განათლების ადგილი საგანმანათლებლო დაწესებულების 7 წლიან სტრატეგიულ გეგმაში, მისი მიმართებები სკოლის ხედვასა და მისიასთან, თანამშრომლობა დოკუმენტით გათვალისწინებულ ფარგლებში, პროფესიული განვითარება, რესურსების ხელმისაწვდომობაზე პასუხისმგებლობა, მოქნილობა და ინტეგრაცია ფორმალურ განათლებასთან, წახალისების სისტემა, აღიარება, ანგარიშვალდებულება, მდგრადობა და დროდადრო ცვლილებების აუცილებლობა.

დოკუმენტს თან ახლავს 2 დანართი:

დანართი 1. სახელმძღვანელო მითითებები ადმინისტრაციისათვის;

დანართი 2. არაფორმალური განათლების ბიუჯეტის დაგეგმვა