წინამდებარე აქტივობა ეხება XIX საუკუნის II ნახევარში წარმოქმნილ პრობლემას, რომელიც ქართველი ერისთვის მეტად მტკივნეული აღმოჩნდა. საქმე ეხება ბატონყმობის გაუქმების შემდეგ საქართველოში განვითარებულ პროცესს, რომელმაც მძიმე დარტყმა მიაყენა ჩვენს საზოგადოებას. პრობლემის სიმწვავეს კარგად გადმოსცემს სიმონ კლდიაშვილის შემოქმედება, რომელიც სიბრალულითა და თანაგრძნობით აღწერს  იმერელ აზნაურთა ყოფას. მწერალმა შესანიშნავად აღწერა ის ტრაგედია, რომელიც საზოგადოების ამ ფენას დაატყდა თავს.

აქტივობაში მოტანილია ორი სტატია (წყარო): ი. ჭავჭავაძის  - „ძველი საქართველოს ეკონომიკური წყობის შესახებ“ და ვაჟა-ფშაველას - „გიკვირთ?“; სტატიებში ავტორები სხვადასხვა კუთხიდან აკვირდებიან და აანალიზებენ ამ მტკივნეულ საკითხს.

წინამდებარე აქტივობა განკუთვნილია IX და XI კლასელებისთვის. თუმცა, 2011–2016 წლების ეროვნული სასწავლო გეგმისა და სახელმძღვანელოების მიხედვით, ეს ეპოქა  განხილულია XII კლასში.