რესურსი -  აქტივობაში წარმოდგენილია  ამონარიდი ნაშრომიდან „ისტორია“, რომელიც ეკუთვნის ცნობილ ბერძენ ისტორიკოსს - პოლიბიოსს. წყაროში გაანალიზებულია  და ერთმანეთს შედარებულია რომაელთა და  კართაგენელთა სახელმწიფო და სამხედრო მოწყობა. ამ მოკლე ანალიზის შედეგად ავტორი ასკვნის, რომ რომაელთა გამარჯვება პუნიკურ ომებში ბუნებრივი და კანონზომიერი მოვლენა იყო.

ამონარიდს „ისტორიიდან“ მოსდევს წყაროს ანალიზის შაბლონი და მისი გამოყენების ინსტრუქცია. პედაგოგებმა ეს აქტივობა სასურველია გამოიყენონ კლასში პუნიკური ომების  შესწავლის დროს. დავალება შეიძლება იყოს როგორც საკლასო, ასევე საშინაო.

მასწავლებლებს შეუძლიათ წარმოდგენილი შაბლონი სხვა წერილობითი ისტორიული წყაროს ანალიზისას გამოიყენონ.

აქტივობის მიზანია, მოსწავლეებმა იმსჯელონ რომისა და კართაგენის დაპირისპირებისა და პუნიკური ომების შედეგების შესახებ.

წინამდებარე აქტივობა განკუთვნილია X კლასის მოსწავლეებისთვის.