რესურსის მიზანია მოსწავლემ შეძლოს ტექსტის მოსმენა, წაკითხვა-გააზრება, ახალი ლექსიკის, ფრაზებისა და მარტივი გრამატიკული კონსტრუქციების გამოყენებით საუბარი საკუთარ ოჯახზე. რესურსის პირველ ნაწილი ნასწავლი კონსტრუქციების გამეორებას ემსახურება. კერძოდ, ტექსტში გამოყენებული რიცხვითი სახელების შესაბამისობა, ბრუნვების გამოყენება და სხვ. ნაწილებად დაყოფილი ტექსტი ოჯახის შესახებ ერთგვარი მოდელია, რომელსაც მოსწავლე გამოიყენეს როგორც ნიმუშს და შემდეგ შექმნის ტექსტს და რუკას საკუთარი ოჯახის შესახებ და წარმოადგენს პრეზენტაციის სახით. გრამატიკული დავალებები ემსახურება ნასწავლი გრამატიკული სტრუქტურების გამოყენებას, ტექსტის გაგება-გააზრებას, ახალი ლექსიკური ერთეულებისა და ფრაზების გამოყენებას წერისა და ლაპარაკის დროს. სასწავლო რესურსი წარმოადგენს 5 სამუშაო ფურცელს. თითოეული გათვლილია 1-2 გაკვეთილზე (გასათვალისწინებელია მოსწავლეთა საჭიროებები). მთლიანობაში თემის დაფარვა შესაძლებელია 8-9 გაკვეთილში. თემის ბოლოს მოსწავლეები იმუშავებენ წერის უნარის განვითარებაზე, რისთვისაც გთავაზობთ წერილის სტრუქტურას, ნიმუშს და ელემენტებს. თემის ფარგლებში მოსწავლეები იმუშავებენ ოთხივე საკომუნიკაციო უნარის (კითხვა, წერა, მოსმენა, ლაპარაკი) განვითარებაზე.