რესურსის მიზანია მოსწავლემ შეძლოს ზღაპრის ნახვა, წაკითხვა-გააზრება, ახალი ლექსიკის, ფრაზებისა და მარტივი გრამატიკული კონსტრუქციების გამოყენებით, საუბარი ტექსტზე დაყრდნობით, ანიმაციური ფილმის ანალიზი და შედარება წარმოდგენილ ტექსტთან. პაუზებად დაყოფილი ტექსტი და დიალოგები შესაბამისი დავალებებით ემსახურება ნასწავლი გრამატიკული სტრუქტურების გამოყენებას, ტექსტის გაგება-გააზრებას, ახალი ლექსიკური ერთეულებისა და ფრაზების გამოყენებას წერისა და ლაპარაკის დროს. სასწავლო რესურსი წარმოადგენს 5 სამუშაო ფურცელს. თითოეული გათვლილია 2-3 გაკვეთილზე (გასათვალისწინებელია მოსწავლეთა საჭიროებები). მთლიანობაში თემის დაფარვა შესაძლებელია 8-10 გაკვეთილში. თემის ბოლოს მოსწავლეები ინდივიდუალურად (ან წყვილებში) იმუშავებენ სურათების აღწერაზე და შეუსაბამებენ ტექსტს და წარმოადგენენ კლასის წინაშე. ასევე თემის ფარგლებში მოსწავლეები იმუშავებენ ოთხივე საკომუნიკაციო უნარის (კითხვა, წერა, მოსმენა, ლაპარაკი) განვითარებაზე.