პრეზენტაციაში მიმოხილულია სამუზეუმო მასალების მნიშვნელობა ქართული ენისა და ლიტერატურის სწავლებისათვის, მოსწავლეთა კვლევითი უნარებისა და ზოგადკულტურული კომპეტენციის  განვითარებისათვის. ზოგადკულტურული კომპეტენცია პედაგოგიურ ლიტერატურაში განმარტებულია, როგორც განათლებულობის დონე, რომელიც საჭიროა თვითგანვითარებისათვის, კულტურის სხვადასხვა დარგში მოვლენების დამოუკიდებელი, არგუმენტირებული ანალიზისა და სხვადასხვა კულტურის წარმომადგენლებთან დიალოგის წარმართვისათვის. იგი შედგება  შემეცნებითი, ღირებულებებზე ორიენტირებული და კომუნიკაციური კომპონენტებისაგან, რაც უკვე მიანიშნებს იმაზე, თუ რამდენად სჭირდება თანამედროვე ტექნოკრატიულ საზოგადოებას ასეთი კომპეტენციის მქონე მომავალი თაობა. მუზეუმები ზოგადკულტურული კომპეტენციის სამივე კომპონენტის გაერთიანების საშუალებას გვაძლევს. ის მატერიალური და სულიერი კულტურის ნიმუშების ექპონირების, პოპულარიზაციის, დაცვის, შენახვისა და შეძენის გზით ხელს უწყობს მოსწავლეთა შემეცნებითი ინტერესებისა და სულიერი მოთხოვნილებების დაკმაყოფილებას.

პრეზენტაციასა და მასში ჩაშენებულ სავარჯიშოებსა თუ საკითხავ მასალაში მოცემულია, ერთი მხრივ, ინფრომაცია მუზეუმებში არსებული მასალების შესახებ, მეორე მხრივ კი, ის, თუ როგორ შეიძლება გამოვიყენოთ ეს მასალები ქართული ენისა და ლიტერატურის გაკვეთილებზე.