განათლების E სახლი

იხილეთ სრული ვერსია

ავტორები:
მასწავლებელთა პროფესიული განვითარების ეროვნული ცენტრი

მოკლე აღწერა:

ჟურნალის ,,ადრეული განათლება’’ მეორე ნომერი მკითხველს სთავაზობს ისეთ მნიშვნელოვან თემებს როგორებიცაა:  ადრეული და სკოლამდელი განათლების ხელმისაწვდომობის უზრუნველყოფისთვის ადრეული განათლების მრავალფეროვანი ფორმების არსებობის საჭიროება და ფორმები, საქართველოში საჯარო და კერძო სექტორების პარტნიორობის გამოცდილება და მისი მნიშვნელობა ადრეული და სკოლამდელი განათლების სფეროში,   სტუდენტი დედების მხარდასაჭერად სასწავლო უნივერსიტეტში ,,ბავშვთა ოთახის’’ შექმნის წინაპირობები და განხორციელებული საქმიანობები. საბავშვო ბაღების ავტორიზაციის მოთხოვნები ინფრასტრუქტურის მიმართ.

ამავე ნომერში თქვენ გაეცნობით - თუ რა არის კურიკულუმი ადრეულ და სკოლამდელ განათლებაში, კურიკულუმის რა ფორმები არსებობს, რა პრინციპებს ეფუძნება საქართველოს განათლებისა და მეცნიერების სამინისტროს მიერ შემუშავებული ადრეული განათლების კურიკულუმის ,, თამაში’’,  ასევე რა საფუძვლებს ეყრდნობა და რა თავისებურებები აქვს ვალდორფის პედაგოგიკას.

აქვე წაიკითხავთ საქართველოს განათლებისა და მეცნიერების სამინისტროს მიერ გაეროს ბავშვთა ფონდის მხარდაჭერით განხორცილებული  პროექტის ფარგლებში შექმნილ  პოზიტიური მშობლობის პროგრამის შესახებ, რომლის მიზანია ბავშვის განვითარებისა და აღზრდის საკითხებთან დაკავშირებული ინფორმაციისა და ცოდნის გავრცელება მშობლებში, მათი აღჭურვა ბავშვთან მჭიდრო და პოზიტიური კომუნიკაციის დამყარებისთვის საჭირო უნარებით, ასევე კარგი პრაქტიკის მაგალითს, თუ როგორ შეისწავლეს მუნიციპალიტეტში მშობლებისა და საბავშვო ბაღების პერსონალის ინფორმირებულობა  თამაშის არსის შესახებ და როგორ ჩართეს მშობლები საბავშვო ბაღის ცხოვრებაში.

ამავე ნომერში გაეცნობით  MAC Georgia-ს საქმიანობას პროფესიული რესურსების შექმნის  მიმართულებით.