ჩვენს სახელმძღვანელოებში ნაკლები ყურადღება ეთმობა ზოგადად რელიგიებსა და კონკრეტულად მითოლოგიის საკითხებს, თუმცა ყველას კარგად მოეხსენება, რომ როგორც რელიგიებს, ასევე მითოლოგიას უდიდესი როლი ენიჭებათ კაცობრიობის განვითარების საქმეში. ამიტომ, ამ თეთრი ლაქის შესავსებად, წარმოგიდგენთ მითოლოგიის ნიმუშებსა და მათ გასაანალიზებლად შესაბამისს სავარჯიშოებს/აქტივობებს.

დოკუმენტი მოიცავს სხვადასხვა (ოთხი) ქვეყნის მითს სამყაროსა და ადამიანის შექმნის შესახებ. მითებს თან ერთვის რამდენიმე  ნაბიჯი  (სავარჯიშო) . პირველი ნაბიჯის მიზანია იმ საერთო შეკითხვებზე პასუხის გაცემა, რომელიც ზოგადად მითებისთვისაა დამახასიათებელი. მეორე ნაბიჯი ითვალისწინებს მითებში მოცემული ეტაპების ქრონოლოგიური პრინციპით დალაგებას. მესამე ნაბიჯი რუკაზე მუშაობისთვისაა განკუთვნილი. მეოთხე ნაბიჯი მითების ურთიერთშედარებასა და ტიპოლოგიური თვალსაზრისით მათ დაჯგუფებას მოითხოვს. საბოლოოდ, მოსწავლეები, პოსტერის სახით, ქმნიან პროდუქტს, რომელიც მითების „გაცოცხლებას“ ეხება.