საკითხავი მასალა
ჟურნალი „განათლება გლობალური მოქალაქეობისთვის“ მიზნად ისახავს მასწავლებლის
დახმარებას გლობალური მოქალაქის აღზრდაში. თუმცა, გამომდინარე მისი მრავალფეროვანი
შინაარსიდან, ის ფართო მკითხველისთვისაც საინტერესო უნდა იყოს. ჟურნალის პირველ ნომერში
მკითხველი შეხვდება მოსაზრებებს ისეთ მნიშვნელოვან საკითხებზე, როგორებიცაა:
სახელმძღვანელოები გენდერული პერსპექტივიდან (ავტორი ნათია გორგაძე), რელიგიური შემწყნარებლობა
(ავტორი ბექა მინდიაშვილი), სიტყვის თავისუფლება (ავორი დავით წულაძე), ინტერკულტურული
განათლება (ავტორი მაკა ნადარეიშვილი); გაეცნობა ციფრულ წიგნიერებასთან დაკავშირებული
კვლევის შედეგებს (ავტორები სოფიკო ლობჟანიძე და გიორგი ურჩუხაშვილი), განათლების მნიშვნელობას
კიბერუსაფრთხოების საკითხებში (ავტორი ვლადომერ სვანაძე). ჟურნალის ამ ნომერში, ასევე,
საუბარია მდგრად განვითარებაზე, როგორც ჩვენი საუკუნის ერთ-ერთ პრიორიტეტზე და მის
გარემოსდაცვით ასპექტზე (ავტორი მაია ბლიაძე). მკითხველი გაეცნობა გეოპარკის არსსა
და მისი შექმნის პერსპექტივას (ავტორი თამარ ჭიჭინაძე), მხატვრული ნაწარმოებების გამოყენების
შესაძლებლობებს გარემოსდაცვითი განათლებისთვის (ლევან სებისკვერაძე). ურთიერთგაგება,
დემოკრატიულობა და თანასწორუფლებიანობა წარმოადგენს თანამედროვე ოლიმპიური თამაშების
ძირითად ღირებულებებს, ამიტომ ჟურნალში შევიდა სტატია ოლიმპიურ თამაშებზეც
(ავტორი ქეთევან ქობალია).
