ვებინარი ეძღვნება საგანმანათლებლო რესურსის – „ისტორია-კინო-ისტორია“ შესახებ საზოგადოების ინფორმირებას, რათა სკოლებმა შეძლონ პროექტში აქტიურად ჩართვა და შემდეგ უკვე პედაგოგებმა ამ რესურსის დამოუკიდებლად გამოიყენება სასწავლო პროცესში. ვებინარზე განხილულია კინოს ისტორიის და მე-20 საუკუნის ისტორიის სწავლება სპეციალურად შექმნილი ვიდეო გაკვეთილების, საარქივო ფოტო-ვიდეო მასალისა და სავარჯიშოების გამოყენებით. პროექტს „კინო სკოლაში“ 2014 წლიდან საქართველოს კინემატოგრაფიის ეროვნული ცენტრი საქართველოს განათლებისა და მეცნიერების სამინისტროსთან თანამშრომლობით ახორციელებს. 

ვებინარს უძღვებიან: 

მასწავლებელთა პროფესიული განვითარების ეროვნული ცენტრის ისტორიის ექსპერტ-კონსულტანტი – ლევან ახვლედიანი 

კინოცენტრის კინოგანათლების პროექტების მენეჯერი – თეა გაბიძაშვილი  

პროექტის „კინო სკოლაში“ კინოსპეციალისტი – თამთა ქაჯაია 

კინოცენტრის დირექტორის პირველი მოადგილე – მაია ჭილაშვილი