წარმოგიდგენთ რესურსების ციკლს, რომელიც მსოფლიო რელიგიების მიმოხილვას ეხება. ყველასათვის ნათელია თუ რა გავლენას ახდენდა და ახდენს რელიგია საზოგადოების განვითარებაზე. ამიტომ, აუცილებლად მიგვაჩნია სხვადასხვა ეპოქასა თუ რეგიონში მოქმედი რელიგიების განხილვა. მით უმეტეს, რომ სასკოლო სახელმძღვანელოებში ამ თემების შესწავლას ძალიან მცირე ადგილი ეთმობა და ძირითადად განხილულია (მცირე დოზით) ე.წ. აბრაამისტული რელიგიები, კერძოდ, ქრისტიანობა და ისლამი. ჩვენ მიერ წარმოდგენილია რამდენიმე რელიგია. განვიხილავთ, მაზდეანობას, კონფუციანობას, დაოსიზმს, ინდუიზმს, სინტოიზმს და სხვა. ეს რელიგიები წარმოდგენილი იქნება ცალ-ცალკე. თითოეულ მათგანს ახლავს შეკითხვები, რომლებზე პასუხის გაცემაც მასწავლებლებსა და მოსწავლეებს გაუადვილებს ამ რელიგიების შესწავლას.