Სახელმძღვანელო „გარემოსდაცვითი და აგარარული განათლება სკოლაში“  8 წიგნისგან  შედგება  და წარმოადგენს დამხმარე რესურსს, რომელიც ფოკუსირებულია მოსწავლეებისათვის გარემოსდაცვითი და აგრარული კომპონენტის აქტუალიზაციასა და ცნობიერების დონის ამაღლებაზე.  სახელმძღვანელო მნიშვნელოვან დახმარებას გაუწევს პედაგოგებს ეროვნული სასწავლო გეგმით  განსაზღვრული პრიორიტეტული მიმართულების, გარემოს დაცვის საკითხების სწავლებაში.

თითოეული წიგნი მოიცავს თეორიულ მასალას პედაგოგებისთვის, თემასთან დაკავშირებულ აქტივობებს (რომელიც მასწავლებელმა შეიძლება გამოიყენოს როგორც ფორმალური, ისე არაფორმალური განათლების კუთხით) და კომპლექსურ დავალებებს.  სახელმძღვანელოში წარმოდგენილი აქტივობები შესაძლოა მოდიფიცირდეს და მოერგოს კონკრეტულ სასწავლო გარემოს, სასწავლო საჭიროებებს, კლასის ინტერესებსა და შესაძლებლობებს.

მეოთხე  წიგნში - „ჰაერის დაცვა დაბინძურებისგან“, განხილულია  შემდეგი საკითხები: ატმოსფერული ჰაერის მნიშვნელობა; ძირითადი დამაბინძურებლები; ჰაერის ხარისხის მონიტორინგი; ჰაერის დაბინძურებით გამოწვეული საფრთხეები და ჰაერის დაცვის მექანიზმები.