საკითხავი მასალა
ამჯერად ჟურნალის „ჰუმანიტარული განათლება სკოლაში“ 2023 წლის პირველ ნომერს გთავაზობთ. ტრადიციას არ ვღალატობთ. ჟურნალის პირველი ნაწილის – „ქართული ენა და ლიტერატურა“ – წერილების უმრავლესობა ისევ და ისევ სკოლაში შესასწავლ ნაწარმოებებს ეთმობა. როგორც გია მურღულია წერს: „ქართული ლიტერატურისა თუ ზეპირსიტყვიერების ცალკეული გამორჩეული ნიმუშები სწორედაც რომ მიზნებია და არა საშუალებები“.
რადგან ჟურნალი არა მარტო ქართული ენისა და ლიტერატურის მასწავლებლების, არამედ სტუდენტებისა და, ზოგადად, ლიტერატურით დაინტერესებული ადამიანების თვალსაწიერის გაფართოებას ისახავს მიზნად, ვფიქრობთ, ზაალ ჩხეიძის წერილიც, ისევე, როგორც სხვა დანარჩენი, სწორედ ამ მიზანს ემსახურება.
