პროექტის განხორციელებისას მასწავლებელი ეხმარება მოსწავლეებს, მოირგონ ბიოინჟინრების როლი, შექმნან საჭირო პირობები და გაზარდონ წყალმცენარეები სპეციალურ ფოტობიორეაქტორებში, რათა მიიღონ მათგან საჭირო ბიომასა. შემდეგ ეტაპზე სათანადო მეთოდოლოგიის გამოყენებით ხდება ცხიმოვანი პროდუქტების გამოწვლილვა, რომლებიც შეასრულებენ საწვავის როლს. მოცემული მიზნის მისაღწევად მოსწავლეები ანხორციელებენ წყალმცენარეების კულტივირებას, ადარებენ ერთმანეთს მათ ზრდასა და გამრავლებას სხვადასხვა პირობებში (ტემპერატურა, სინათლე, აერაცია). თავიანთ შექმნილ ფოტობიორეაქტორებში ისინი უზრუნველყოფენ საკმაო ჟანგბადისა და სხვა ნივთიერებების მიწოდებას, ადგენენ წყალმცენარეების ზრდისა და გამრავლების ოპტიმალურ პირობებს, რათა მიიღონ საკმარისი ბიომასა. მიღებული ნედლეულიდან ამზადებენ პროდუქტს, რომელსაც აქვს სინათლის/სითბოს გამოყოფის უნარი.