სახელმძღვანელო  „გარემოსდაცვითი და აგრარული განათლება სკოლაში“  8 წიგნისგან  შედგება  და წარმოადგენს დამხმარე რესურსს, რომელიც ფოკუსირებულია მოსწავლეებისთვის გარემოსდაცვითი და აგრარული კომპონენტის აქტუალიზაციასა და ცნობიერების დონის ამაღლებაზე.  სახელმძღვანელო მნიშვნელოვან დახმარებას გაუწევს პედაგოგებს ეროვნული სასწავლო გეგმით  განსაზღვრული პრიორიტეტული მიმართულების - გარემოს დაცვის საკითხების სწავლებაში.

თითოეული წიგნი მოიცავს თეორიულ მასალას პედაგოგებისთვის, თემასთან დაკავშირებულ აქტივობებს (რომელიც მასწავლებელმა შეიძლება გამოიყენოს როგორც ფორმალური, ისე არაფორმალური განათლების კუთხით) და კომპლექსურ დავალებებს.  სახელმძღვანელოში წარმოდგენილი აქტივობები შესაძლოა მოდიფიცირდეს და მოერგოს კონკრეტულ სასწავლო გარემოს, სასწავლო საჭიროებებს, კლასის ინტერესებსა და შესაძლებლობებს.

კრებულის მეორე წიგნში - „ბიომრავალფეროვნება“,  განხილულია ბიომრავალფეროვნების მნიშვნელობა, ბიომრავალფეროვნების წინაშე მდგარი საფრთხეები, მათ შორის,  გარემოს დაბინძურება,  კლიმატის  ცვლილება, ჰაბიტატების დეგრადაცია და ფრაგმენტაცია და ა.შ., ასევე, ბიომრავალფეროვნების დაცვის მექანიზმები, ტყის რესურსები და დაცული ტერიტორიები.