საქართველოს გოეთეს ინსტიტუტსა და  ეროვნული მუზეუმის ერთობლივ პროექტის „ისწავლე გერმანული ენა მუზეუმში“-ს  ფარგლებში, სიმონ ჯანაშიას სახელობის საქართველოს ეროვნული მუზეუმის ოქროს ფონდსა (არქეოლოგიური საცავი) და აღმოსავლურ კოლექციაში (აღმოსავლური კოლექციის ახალი სიცოცხლე) დაცულ მუდმივ ექსპონატებზე დაყრდნობით შემუშავებულ იქნა მრავალფეროვანი  მასალა   ინტერდისციპლინური გერმანული ენის გაკვეთილის ჩასატარებლად .

 მუზეუმში სასწავლო ვიზიტით მოსული სტუმრები შემუშავებული მასალის დახმარებით  შეისწავლიან არა მხოლოდ გერმანულ ენას, არამედ გაეცნობიან მუზეუმის ექსპონატებსაც. შემეცნებითი ხასიათის დავალებებით, რომლებიც მოსწავლეთა   აქტიურ ჩართულობას, მათი შემოქმედებითი უნარების  განვითარებასა და ლექსიკური მარაგის გამტკიცებას უწყობს ხელს, თქვენი მოსწავლეები

• აღწერენ ნახატებზე გამოსახულ პირებს,

• გაითამაშებენ როლურ თამაშს,

• მოცემული გეგმის დახმარებით მოძებნიან განძს,

• ისაუბრებენ სტატუსის განმსაზღვრელ სიმბოლოებზე და ა.შ.

 მასალების გასაცნობად ესტუმრეთ გოეთეს ინსტიტუტის ვებ-გვერდს ან გოეთეს ინსტიტუტის ბიბლიოთეკას.

კლასთან ერთად ვიზიტი მოიცავს დაახლ. 2 საათს.
მასალები განკუთვნილია  მოზარდებისათვის, რომელთა გერმანული ენის ცოდნის  მინიმალური დონე წარმოადგენს A2-ს.