გთავაზობთ საქართველოს გოეთეს ინსტიტუტის, ხელოვნებისა და ეროვნული მუზეუმების ერთობლივ პროექტს „ისწავლე გერმანული ენა მუზეუმში“ . მოცემული პროექტის ფარგლებში შემუშავებულ იქნა სამუშაო მასალები ბავშვებისა და მოზარდებისთვის, რომელთა დახმარებითაც შეგიძლიათ    მულტიდისციპლინური გაკვეთილი ჩაატაროთ ხელოვნების მუზეუმში(ცისფერი გალერეა) .

ხელოვნების მუზეუმში სტუმრობისას მასალების სკივრში თქვენ დაგხვდებათ მრავალფეროვანი მასალა შემოქმედებითი და საინტერესო გაკვეთილისთვის, რომელთა საშუალებითაც მოსწავლეები:

• გაშლიან სუფრას,

• შეიგრძნობენ სხვადასხვა სანელებლის სუნს,

• ხელის შეხებით გამოიცნობენ ტომსიკაში განთავსებულ ხილის სახეობებს...

ჩამოთვლილი და კიდევ სხვა აქტივობებით, რომლებიც შემუშავებულია ნიკო ფიროსმანის მუდმივი გამოფენის მიხედვით თქვენი მოსწავლეები შეძლებენ:

• ისაუბრონ თემაზე“ჭამა-სმა“,

• ისაუბრონ საკუთარ გემოვნებასა და საყვარელ საჭმელ-სასმელზე,

• როლური თამაშის ფარგლებში აღწერონ დღესასწაული,

• აღწერონ სურათი და გაიგონ სურათის აღწერა.

• ეზიარონ ხელოვნების ნიმუშებს(მხატვრობას)

მასალები განკუთვნილია ბავშვებისა და მოზარდებისათვის, რომელთა გერმანული ენის ცოდნის  მინიმალური დონე წარმოადგენს A1-ს.

მუზეუმში კლასთან ერთად ვიზიტის შესათანხმებლად დაუკავშირდით ქ-ნ ნინო ბაქანიძეს
ტელ.: +995 32 293 1652