ურთიერთსწავლების მეთოდი არის ეფექტური განსაკუთრებით დაწყებით კლასებში, სხვადასხვა სახის ტექსტზე მუშაობისას, ასევე შეგვიძლია წარმატებულად გამოვიყენოთ ბუნებისმეტყველების გაკვეთილზეც. მნიშვნელოვანია, რომ ამ მეთოდის გამოყენებისას საკითხის განხილვა მოსწავლეებსა და მასწავლებელს შორის, მიმდინარეობს დიალოგის ფორმატში, სხვადასხვა კოგნიტური (სააზროვნო) და მეტაკოგნიტური (დაკვირვება საკუთარი აზროვნების პროცესზე) აქტივობების გამოყენებით.