წინამდებარე ცნობარში წარმოდგენილია ინკლუზიურ და სპეციალურ განათლებასთან დაკავშირებული ძირითადი ტერმინების და ცნებების განმარტებები. ტერმინები მოცემულია ქართულ და ინგლისურ ენებზე. ეს ტერმინები შეეხება სწავლებასა და სწავლას, ბავშვის განვითარებას. ლექსიკონი განკუთვნილია მასწავლებლებისთვის, პედაგოგებისა და აღმზრდელებისთვის, სკოლის ადმინისტრაციისთვის და მშობლებისთვის.  ცნობარში ინკლუზიური განათლების ცნებები და ტერმინები თემატურად არის მოცემული და ყოველი თემის ფარგლებში ანბანის მიხედვით არის დალაგებული. ცნობარში ხუთი ძირითადი თემაა შესული: 1. ინკლუზიურ და სპეციალურ სწავლასა და სწავლებასთან დაკავშირებული ცნებები და ტერმინები; 2. ინკლუზიურ განათლებასთან დაკავშირებული სამედიცინო ტერმინები, დიაგნოზები და ცნებები; 3. სწავლისა და სწავლების დამხმარეტექნოლოგიები; 4. საერთაშორისო კონვენციები და ინკლუზიური განათლების სამართლებრივი ჩარჩო; 5. ინკლუზიური და სპეციალური განათლების რესურსების სასარგებლო ელექტრონული გვერდების მისამართები მათზე განთავსებული ინფორმაციის მოკლე აღწერით; ცნობარი ასევე მოიცავს იმ ორგანიზაციების სიას, რომელებიც სპეციალური საგანმანათლებლო საჭიროებების მქონე ბავშვების განათლების საკითხებზე მუშაობენ. ცნობარი დაეხმარება განათლების სპეციალისტებს, სტუდენტებს, განათლების ფსიქოლოგებსა და განათლების დარგში მომუშავე სხვა პროფესიის ადამიანებს.