რესურსი განკუთვნილია მასწავლებლებისთვისა და მომავალი მასწავლებლებისთვის. რესურსი შექმნილია მათთვის ვინც არის დაწყებით საფეხურზე, არ იცნობს ლათინურ დამწერლობას და ვისაც სურს ფრანგულ ენაში წერისა და კითხვის შესწავლა. შექმნილია ძველ 1983 წელს (მეორედ) გამოცემულ ეკ. მთვრალაშვილისა და ნ. კალატოზიშვილის ავტორობით გამოცემულ სახელმძღვანელოზე დაყრდნობით, ანბანური მიმდევრობა არის გამოყენებული ხსენებული სახელმძღვანელოდან, შემდეგ დამატებულია სხვადასხვა ინტერნეტ რესურსი და ფრანგული გამოცემები. რესურსის შესაქმენლად დამატებითი ლიტერატურა მითითებულია თითოეული მონაკვეთის ბოლოს.

რესურსში მოცემულია 12 მონაკვეთი, ოთხ ნაწილად, თითოეულ ნაწილში მოცემულია სამი მონაკვეთი, მათ შორის 2 შეჯამება, და მასწავლებლის მეგზური, რომელიც მასწავლებლისთვის ერთგვარად იდეის მომცემია და არა სავალდებულო. თითოეულ მონაკვეთს თან ახლავს მასწავლებლის დეტალური მეგზური, თუმცა მასწავლებელს საშუალება აქვს თითოეული აქტივობა მოარგოს საკუთარ მოსწავლეს, კლასს და მის საჭიროებას.

გარდა ამისა, რესურსში იგულისმება, რომ მოსწავლეებმა უკვე იციან დათვლა 20-მდე, ფერები და მარტივი მითითებები: მოძებნე - cherche, იპოვე - trouve, შემოხაზე - entoure, დახატე - dessin და გააფერადე - colorie. რესურსის გამოყენებისას დაემატება ორი ახალი მითთება: წაიკითხე - lis და დაწერე - écris.