მასწავლებელთა პროფესიული განვითარების ეროვნული ცენტრისა და ბრიტანეთის საბჭოს ეგიდით 21 ივნისს,  ჩატარდა ვებინარი ინგლისური ენის პედაგოგებისათვის -კვლევითი უნარების განვითარების (Exploratory Action Research) ონლაინ სატრენინგო კურსის შედეგების პრეზენტაცია - მეორე ნაწილი.

ვებინარზე კურსის მონაწილეებმა წარმოადგინეს საკუთარი კვლევითი მასალები და ისაუბრეს ინდივიდუალურ გამოცდილებაზე, წარმატებებსა და გამოწვევებზე.

ბრიტანეთის საბჭოს კვლევითი უნარების განვითარების ონლაინ სატრენინგო კურსი (Exploratory Action Research) ჩატარდა 2022 წლის დეკემბრიდან 2023 წლის მარტის ჩათვლით და მასში წარმატებით მონაწილეობდა ინგლისური ენის 13 მენტორი მასწავლებელი. აღნიშნულმა კურსმა საშუალება მისცა მონაწილეებს გამოცდილი საერთაშორისო ექსპერტების დახმარებით გასცნობოდნენ კვლევითი საქმიანობის კონცეფციას და მის მთავარ მახასიათებლებს, აერჩიათ და დაემუშავებინათ რეალური, მათთვის საინტერესო საკვლევი თემა; გასცნობოდნენ მონაცემთა შეგროვების სხვადასხვა მეთოდებს და აერჩიათ კონკრეტული საკვლევი თემისთვის შესაფერისი ინსტრუმენტები, გაეზიარებინათ კვლევის შედეგები და გამოცდილება კოლეგებისთვის; გასცნობოდნენ მეთოდებს, რომლებიც დაეხმარება მათ კიდევ უფრო განვითარდნენ როგორც მკვლევარი-პედაგოგები.