მასწავლებელთა პროფესიული განვითარების ეროვნული ცენტრის ორგანიზებით, სახვითი და გამოყენებითი ხელოვნების მასწავლებლებისთვის 16 ივნისს,  ჩატარდა ვებინარი თემაზე - „ექვთიმე თაყაიშვილის პირადი არქივი: ეპოქა, არჩევანი, პორტრეტი “.

ვებინარზე განხილული იქნა ექვთიმე თაყაიშვილის როლი ქართული კულტურის კვლევისა და დაცვის საკითხებში; საუბარი შეეხო მისი პირადი არქივის თავისებურებებს - ექსპედიციებს, ემიგრაციას, პირად მიმოწერას, მოგონებებს. ვებინარის სტუმარმა წარმოგვიდგინა ავთენტური საარქივო წყაროების საფუძველზე მისი პორტრეტის არაერთი რაკურსის რეკონსტრუქცია.

ვებინარის სტუმარი გახლდათ: კორნელი კეკელიძის სახელობის საქართველოს ხელნაწერთა ეროვნული ცენტრის საზოგადო მოღვაწეთა პირადი არქივების საცავის მცველი, მეცნიერ-თანამშრომელი - ესმა მანია.

ვებინარის წამყვანი: მასწავლებელთა პროფესიული განვითარების ეროვნული ცენტრის ხელოვნების ექსპერტ-კონსულტანტი - თათია ბარბაქაძე.